Kashti aur Kinara -3

Ek din ek toofa bheja,
Jisne dono ka dil dhadkaya.
Fir ek tez hawa ke jhoonke ne,
Dono ka pal me stah chudaya.
Kashti ko usse door bhejkar,
Sapno ke mahal ko tod diya.
Jeene ka sahara cheen ke uska,
Jeekar marne ko chod diya.
Kasme waade sab toot gaye,
Ek dooje se jo door hue.
Dono ne jo sapne dekhe the,
Ek pal me chakna choor hue.
Toofa me faskar kashti bhi,
Na jane wo kis gali gyi.
Jeene ki raah dikhakar usko,
Chod akela chali gyi.
Dobara milne ki chahat me,
Kinara to ghutkar jeeta rha.
Uske aane ki aas lgakar,
Har gam ke aansu peeta rha.
Bahot dino tak raah dekhkar,
Kashti ka koi pta mila nhi.
Apni kismat pe wo roya,
Auron se koi gila nhi.
Par ek din kuch door dikhi kashti,
Kinare ke mann me umang uthi.
Lga use wo aegi,
Fir jeene ki ek tarang uthi.
Par kashti to kuch door se hi,
Raah modkar chali gyi.
Kinara to usko rha dekhta,
Wo bin dekhe chali gyi.
Fir bhi dil ek umeed uthi,
Ek din wo paas to aegi.
Inti gehri ye chahat hai,
Ek din doori mit jaegi.
Par kashti to use dekhkar,
Aur raah chali jaati thi.
Mil jata galti se wo,
To nazren nhi milati thi.
Lga kinare ko shayad,
Uski koi majboori hogi.
Par intezaar karuga mai uska,
Jab tak na kam doori hogi.
Kashti ki berukhi dekh,
Kinare ka kuch dil ghabrata,
Par uski is halat pe bhi,
Kashti ko kabhi na pyaar ata.
Wo to sab waade bhool gyi,
Par use yaad har baar ata.
Kinara aise kab tak jeeta,
Uski aashaein toot rahi thi,
Usse doori ko dekh dekh kar,
Uski sanseen bhi chooth rahi thi.

Kashti aur Kinara -2

Dekh kinare ko kashti bhi,
Door khadi muskurati thi.
Hoton se kuch bhi na kehkar,
Uske dil ko tadpati thi.
Kashti ke dil me bhi chahat thi,
Shayad tabhi wo aati thi.
Par kuch pal uska mann behlakar,
Chod akela chali jaati thi.
Har din kashti ko dekh-dekh kar,
Usne jeene ki aas lgai.
Kinare ne jo do kadam badhaye,
Daud ke kashti bhi paas me aayi.
Bahot der lgaadi tumne,
Izhaar-e-mohabbat karne me.
Boli kashti tumhe kya milta,
Mujse door hi rehne me.
Kashti ki baaton ko sunkar,
Kinara bhi kuch yun bola.
Hulchul to thi is dil me bhi,
Par raaz-e-mohabbat na khola.
Socha tumne jo ye dil toda,
Kaise mai jee paunga,
Dekhke tujko har pal jeeta hun,
Tum bin to mai mar jaunga.
Tuje sajakar rakha hai,
Apne sapno ki mehfil me.
Kehna chaha har baar tuje,
Par ek dar tha bas is dil me.
Bahot tadap hoti hai dil me,
Tuje judai sehne me.
Kashti boli, kuch bhi na samjhe tum,
Mere yun hi chup rehne me.
Bahot dino tak mai bhi chup baithi,
Par aaj ye tumse kehti hun,
Teri yaadon me mai bhi har pal,
Gumsum si khoi rehti hun.
Dono ki yun mulakat hui,
Fir kasme waade hote rahe.
Duniya ki saari chinta chod,
Wo ek dooje me khote rahe.
Kashti paakar kinare ko lga,
Ab jeevan me kya dukh aega,
Jab kashti har pal saath me hai,
To har dukh bhi sukh ho jaega.
Duniya ko bhoolkar kasthi bhi,
Pyar ki baaten karti rahi.
Ek dooje pe dono marte rahe,
Aur raaten yunhi gujarti rahi.
Par dono ki ye chahat bhi,
Shayad ko eshwar ko raas na aayi,
Usne mann me kuch aur hi socha,
Aur fir ek tarkeeb bnai.



To be continued.....

Kashti aur Kinara -1

Door samundar me kahi akela,

Ek kinara rehta tha.

Reh reh kar maujon ki thokar,

Bina dard ke sehta tha.

Uske dil ko jo dhadhkaye,

Aisa use koi mila nahi.

Jiski khushboo se need ude,

Jag me wo phool khila nhi.

Sath ne deta koi uska,

Uske is veeranepan me.

Chahat ki asha karta wo,

Fir bhi jhoothe apnepan me.

Jiski yaadon me ye dil dhadhke,

Shayad wo ek din aega.

Duniya ke bandhan todega ,

Aur  is dile me bas jaega.

Raah bhoolkar toofan me,

Ek din ek kashti pahuchi.

Lga kinare ko shayad,

Uske sapno ki basti pahuchi.

Dekhke kasti ko dil dhadhka,

Chahat ka abhaad hua.

Kya hoti hai pyar me halat,

Aaj use ehsaas hua.

Itne barson se apna tha,

Aaj wo dil begana hua.

Haqiqat me wo door sahi,

Khwabon me aana jaana hua.

Kashti chahe jo bhi samjhe,

Par usne apna maan liya,

Ab tak to sirf tanhayee thi,

Ab bechainee ko bhi jaan liya.